12th July 2006

Question: What is truth? kyaa bhagwaan ne ye duniyaa banaate hue kuch rules banaaye they? insaan ko kaise pataa chaltaa hai kii sahi aur galat kyaa hai?

Answer: is baat kaa seedha seedha jawaab phone pe nahi diyaa jaa saktaa.....bahut hii goodh hai.....phir bhii sookshm mein bataataa hoon. insaan jab maa ke garbh mein hotaa hai.....vo jap aur tap mein hotaa hai....tap se use prernaa milti hai aur jap se apni bhawnaao ko jaahir kartaa hai......

ek chidiaa jab ande ke andar hoti hai to bade chain se hoti hai.....sab kuch use khaane peene ko wahin mil jaataa hai......jab vo ande ke baahar nikalti hai.....use duniyaa dikhti hai jo kii bahut hii badi hai....use pataa chaltaa hai kii vo ek chidiaa hai.....jab uske pankh aate hain to vo duniyaa dekhne nikal padti hai.......jab vo ghoom ghoom ke poori duniyaa dekh leti hai to ant mein use ehsaas hotaa hai kii isse kahin acchi zindagi to ande ke andar thii jahan pe use khaane peene rehne ...kisi bhii baat kii koi tension nahi thii.....shayad too samajh jaaye kii main kyaa kehnaa chah rahaa hoon